ascolta il brano
guarda lo spartito

Deus ti salvet Maria
chi ses de grassias piena
de grassias ses sa vena ei sa currente

Su Deus onnipotente
cun tecus est istadu
pro chi t’hat preservadu immaculada

Beneitta e laudada
supra tottus gloriosa
ses mama fiza e isposa de su Segnore

Beneittu su fiore
fruttu de su sinu
Gesus fiore divinu Segnore nostru

Pregade a fizu bostru
pro nois peccadores
chi tottu sos errores nos perdonet

Ei sas grassias nos donet
in vida e in sa morte
ei sa dizzosa sorte in Paradisu